عن الوظايف والتوظيف والمهندسين

المهندسين دونا عن خلق الله كلهم
اكتر ناس بيعانوا من اول مبيدخلوا الكلية
5 سنين
عذاب يومي في الدراسة والمشاريع والامتحانات و و
بعد كدة يخبط في عمود اسمع مشروع التخرج
يدفعله مبلغ محترم في تعليم مفترض انه مجاني
واخيرا يرمي ده كله ورا ضهره ويبدء في ال
iti
او في كورسات في سنترز عشان يلاقي شغل
علي اساس ان الخمس سنين اللي درس فيهم وطلع عينه ولا ليهم لازمة
مش كافيين عشان يأهلوه لسوق العمل
كانوا هذار
ويبدء بأة يحفي علي المنتديات والمدونات وجروبات الفيس بوك علي اعلانات وظايف
وابعت يامعلم

ويروح في انترفيوهات اتش ار وتيكنيكال ومع كل واحد في الشركة..نظام بيتسلوا عليه
وهو اصلا بيبقي حافظ اسئلة الاتش ار وصاممها
شايف نفسك بعد 5 سنين ايه؟؟
قولي موقف صعب مر بيك؟؟
صحابك بيقولوا عليك ايه؟؟
قولي تحدي واجهته؟؟
انت عارف..وهما عارفين..وكلنا عارفين ان الاسئلة ديه جايبنها من علي النت وحافظينها
لا بتعبر عن الحقيقة..ولا ليها اي لازمة
بس عشان المسرحية تكمل يعني
بعد كدة بكل قرف..هنبقي نتصل بيك…بررررررررة
ولو كان محظوظ واتقبل في الشركة ديه
يتشرطوا عليه ويمضوه علي وصلات امانة او شرط جزائي ده غير ساعات العمل الغير ادمية
مش ببالغ والله اوشايف نص الكوباية الفاضي
بس اصل مش منطقي كل اللي بيحصل ده؟؟؟
يعني بشوف برة..المهندسين برة
بيتخرج..بياخد حاجة اسمها
Recommendation letter
من البروفيسور الي كان بيشرف عليه..انه شخص كويس وملتزم وبيحقق اهدافه
وديه علي فكرة ممكن تغير حياته بالكامل..مش اي حد بياحد الجواب ده الا لو كان مستاهله فعلا
بعد كدة بياخد كورس خفيف عن اساليب الادارة..اساليب الشغل في تيم…كورس عن تنظيم الوقت

وشكرا…بيقدم وبيشتغل عالطول..مبيعقدش بالسنين زي عندنا

ده راجع لسبب مهم
ان عندهم فعلا فرص شغل كتيرة وعايزين مهندسين..ونسبة المهندسين قليلة مش زي عندنا
وده منطقي عشان هما عندهم اكبر المصانع والشركات اللي بتشتغل في التكنولوجيا
انتل..مايكروسوفت..بي ام دبليو..ابل..الخ
بس هو في الاخر بيشتغل في هندسة…مش في مجال تاني
عندنا هنا في مصر…كارثة والله
مهندسين اتصالات بيقطعوا بعض بجد علي وظيفة….
call center
قاعد طول اليوم يرد علي العملاء..واحنا اسفين يافندم…طب حاضر..الخدمة هتوصل حالا….حضرتك مدفعتش فاتورة شهر يناير
ايه ده؟؟؟
ده شغل مهندس اتصالات في مصر؟؟؟؟؟؟؟؟
هل ده شغل هندسة؟؟
وياريت عاجب…ابدا…ده اللي يجيله الوظيفة ديه بيبقي هيطير من الفرح…وعنده حق عشان مفيش غيرها
او
تشتغل في شركات ال
embedded system
زي فاليو
بمرتب مش وحش..حوالي الفين ونص تقريبا…بس
tester
يعني مهندسين المانيا يكتبوا 80 في المية من الكود..ويتأكدوا انه شغال
والشركة عشان توفر وقت المهندسين دول..تروح باعتها للمهندسين في مصر يعملوا عليه
test
او يكتبوا هما ال
documentation
ومنطقهم في ده..ان كدة هيوفروا
حسب كلام واحد صاحبي
msayed
ان ساعة المهندس الالماني هناك ب 25 يورو
ساعة التيم الكامل في مصر ب 26 يورو
التيم ده ممكن 10 مثلا
ففي الاخر بترسي علي 2.5 يورو للفرد
فهو ليه يدفع 25 يورو لمهندس عشان مجرد يعمل تيست؟..طب موفرهم واخليه يعملي مشروع تاني..وابعت البروجكت ده للمصرييين او اللي في الشرق الاوسط وخلاص
هل ده شغل هندسة؟؟
نفس النظام بالمللي في ال
communications
بتفضل تلف محافظات مصر كلها عشان تركب ابراج

اللي هي الاخر العمال هما اللي بيعملوها..وبيبقي جايلك الديزاين جاهز والمكان وانت بس دورك تركب وتمشي
هل ده شغل هندسة؟؟
او في طبية لما تبقي كل المهارات المطلوبة انك تبقي شخص تقدر تقنع اللي قدامك انه يشتري الجهاز اللي الشركة اللي انت شغال فيها بتبيعه
مندوب مبيعات

هل ده شغل هندسة؟؟

الموضوع ده مش هينفع يتحل غير بحاجتين
اولا
لازم ماسورة الثانوية اللي بتطلع بس في كليتنا 2500 طالب جديد كل سنة تتقفل شوية
اعتقد كل سنة عدد خريجين هندسة فقط حوالي 30000 واحد
ده كل سنة…هيلاقوا امتي فرصة شغل قبل مالسنة الجديدة تيجي ويتخرج تلاتين الف تانين
ده تعليم حكومي فقط..مش الكليات الخاصة كمان
لازم متبقاش كلية الهندسة هي اعلي كلية في مجموعة علم رياضة
لازم يبقي فيه كليات تانية عالية وكويسة عشان تخف الحمل شوية
ويكون فيه اختبارات قبل الالتحاق بكلية الهندسة..ويكون فيه جوابات ترشيح من مدرسين ثانوي للطلاب…والجوابات ديه تبقي شرط اساسي للالتحاق بالكلية
ثانيا
لا يوجد اي امل انك تغير في تفكير الشركات الكبيرة وفي بصتها لينا علي اننا مستوي تاني من المهندسين
سواء فودافون او اورانج او فاليو..او اي شركة
هما معتبرين المصريين والهنود من ارخص العمالة الموجودين
بس الهنود حاليا بأة عندهم شركات وصناعة خاصة بيهم هما..واجبروا الشركات ديه انها تحترمهم وتخلقلهم فرص عمل تليق بيهم بجد
احنا لازم نكون مع نفسينا شركات بتشتغل في التكنولوجيا
جروب مهندسين من اتصالات وطبية وباور يعمل شركة
ويبدء ينتج ويشتغل هو مع نفسه..بدل ميشتغل في خدمة عملاء او مندوبين مبيعات
ده حصل علي فكرة في شركة ..مش متذكر اسمها حاليا
اعتقد
sysdsoft
بعد كام سنة من الشغل وبعد مبقي ليهم منتجاتهم
شركة انتل جت واشترت الشركة
دليل يعني انهم كانوا ناجحين جدااا
اعتقد مشكلتنا دايما هي في الخطوة الاولي

لازم ناخد خطوة عشان نغير الواقع السيء اللي احنا بنعيشه او اللي بيتفرض علينا من الشركات ديه
ناس كتير هتقول طب فين الخبرة..منعرفش نسوق منتاجتنا…طب لو خسرنا
هقولك هي الدنيا كدة…مكسب وخسارة…طبيعي هتخسر زي مهو طبيعي هتكسب
بس طول منتا بتخطط صح وباصص لقدام..وعارف السوق عايز ايه وامتي…..فثق انك هتنجح ان شاء الله
مفيش اي سبب يخليك تفشل..غير انت

 

Advertisements

One thought on “عن الوظايف والتوظيف والمهندسين

  1. كلام رائع و منطقى بس مع الاسف كتير مننا بيختاروا الحل السهل البسيط اللى مفهوش ريسك و يروح يشتغل تنكيكال سابورت و ياخد 1500 ج و يقول كدة رضا انا احسن من غيرى … النظام كلة لازم يتفور خصوصا ال 5 سنين اللى برميهم ورا ضهرى و مش بشتغل بولا كلمة من اللى خدتها فى الكلية و كأنى خريج حقوق مثلا !!!

Share you opinion to benefit others :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s