Newcomers Engineers:)

سريعا كدة بس عايز اوضح كام حاجة كدة للي لسة مخلصين و متخرجين السنادي …مبرووك الاول علي الافراج

😀
فيه طريقين دايما “للمهندسين الجدد “…

الاول

انت واحد عارف كويس هتتخصص في ايه بعد اتصالات (نتورك/كومنيكشن/ايمبدد/بروجرامينج…) وخلاص قررت ان المجال ده هو اللي هتشتغل فيه ومش هتمشي منه مهما حصل…يبقي انت كدة وفرت علي نفسك حوالي 9 شهور من الطريق التاني اللي هقولكوا عليه بس كمان شوية
كل اللي انت محتاجه بس شوية صبر وانت بتدور علي وظيفة كويسة…متشتغلش في مجال الا اللي انت قررت انه هو يبقي مجالك بعد اتصالات…طول الوقت نزل سيفيهات ناس شغالة في المجال ده و اعرف هما درسوا او خدوا ايه…جوجل واليوتيوب و الفورمز مليانين علي اخرهم بجد في اي حاجة عايز تدور عليها..بس لو سمحت ركز في السي في ركز في السي في ركز في السي في ركز في السي في :D…اكتبه بطريقة كويسة ومنظمة ومن غير مية لون… وصفحة او صفحة ونص كفاية جدا..وطول الوقت اتعلم حاجة جديدة في المجال ده…طبعا بهدلة اخر حاجة..بس فعلا لو بتحب المجال ده هتبقي فيه حاجة كويسة جدا ان شاء الله

الطريق التاني..

انت واحد مش محدد مجال معين تشتغل فيه..كله عندك زي بعضه مش فارق…فنصيحة عشان توفر وقت…قدم في منحة وزارة الاتصالات
ITI
ديه للي ميعرفهاش منحة 9 شهور بتعملها كل سنة وزارة الاتصالات…بتبقي في النتورك و البروجرامينج والايمبدد كجزء تيكنيكال ..ومهارات الانترفيو وكتابة السي في والبرزنتيشن…مفيش حد اعرفه تقريبا يعني من اللي دخلها ندم عليها او مجبتلوش فرصة كويسة..بيديك لاب توب و مرتب حوالي 400 جنيه كل شهر طول فترة الدراسة اللي بتبقي في سمارت

عيوبها ايه؟
————
اولا مينفعش تسيبها في النص..بتدفع شرط جزائي مش قليل
ثانيا بعد فترة بيتعملك امتحان فيها وانترفيوا وعلي اساس درجاتك ممكن تروح لمجال غير اللي مقدم عليه…يعني مثلا انت مقدم علي نتورك..بس درجاتك كانت قليلة مثلا وجابتلك بروجرامينج…فخلاص لبستها كدة حتي لو مش طايق البروجرامينج اصلا..ومينفعش تغير و تسيبها 🙂
هما لسة مخلصين دفعة 2011 في 10 يوليو اللي فات…ممكن اسبوع ولا حاجة يفتحوا باب التقديم في دفعة 2012
ده جروبهم علي الفيس
http://www.facebook.com/iTiEg
ومحدش يقدم من غير ميكون مستعد للانترفيوهات اللي في الاول عشان ممكن تترفض من الاصل..فخلوا بالكوا….تابعوا التوبيك ده
http://dvd4arab.maktoob.com/f651/3544421.html

فيه مجالين او تلاتة بس نصيحة متشتغلوش فيهم
1.
Mobile Test Drive
في اي شركة مش معروفة او بتاعة بير السلم …قدموا في شركات زي
Systel, Mobiserve, telcomax
ديه المعاملة فيها الي حد ما محترمة

2.
CCTV and surveillance systems
مبتعملش حاجة في المجال ده غير انك بتقرا الداتا شيت بتاعة اجهزة …مفيهاش خبرة من اي نوع ولا اي بتنجان… فاااكس

3.
Call Center
حتي لو كانت فودافون او تي ايه داتا
التلات مجالات دول مشوفتش حد شغال فيهم الا و كاره نفسه و عيشته وعايز يسيبهم لاي حاجة

المرتب بأة في الاخر كام؟

😀
——————————
قاعدة كدة حطها في دماغك…كل منتا في الاول كدة و مرتبك كان كبير..اعرف ان الخبرة اللي هتاخدها قليلة جدا او شغلك مالوش لازمة :)…محدش هيشغل واحد معهوش اي نوع من الخبرة ولسة متخرج ويديله مرتب كبير..مش جمعية خيرية هو..قصادها هو عارف انه شغله مفهوش اي خبرة هتاخدها او يستفيد منها زي مثلا شغل ال
Call Centers
ف..يعني…بنتكلم “في الاول” من اول 900 لحد 1400..بعديها ان شاء الله بتتظبط طول منتا ماشي في طريق صح و بتستفاد و بتتعلم من اللي بتشوفه
بس كدة :D..لو حد عنده حاجة عايز يضيفها..ياااريت 🙂 ..عايزين نساعد بعض علي قد منقدر بمعلومات
up to date
وبرضه لو حد عنده سؤال معين يتفضل

Advertisements

Share you opinion to benefit others :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s