Before upgrading your old PC-Egypt market

عايز بس اشرح شوية حاجات جديدة -اوبشنز و هاردوير-نزلوا في سوق الكمبيوتر الايام ديه…حاجة يعني للي عايز يحدث جهازه او يجيب واحد جديد من الاول

(متبعش القديم!…كدة كدة مش هيجيب تمنه ده ان لقيت حد يشتريه!…ممكن تستخدمه في حاجات كتيرة نبقي نتكلم عليها ان شاء الله)

او اعتبرها معلومات عامة 🙂

بص يا سيدي…في مجال الهارديسك بأة فيه دلوقتي حاجة اسمها
SSD
Solid State Drive

هارد صغنتت كدة قد نص الايد مساحته من اول 40 جيجا لحد 250 جيجا…ميزته عن الهاردات القديمة سرعته العالية جدا في القراية و الكتابة…ممكن يبقي عندك بروسيسور خرافي…كاشات عالية جدا…بس “عنق الزجاجة” بتاع الجهاز بتاعك هو البطء في القراية و الكتابة علي الهارد….فتحس عموما ان الجهاز بطيء….سرعة القراية و الكتابة عليه بتوصل ل
6 Gbps
ومبقاش فيه اجزاء ميكانيكة زي الهارد القديم..حاجة كانها فلاشة عندك
ده انت بتعمله كله للويندوز …بتنزل عليه ويندوز يعني و بتجيب هارد من الهاردات القديمة و تخليه هو للتخزين…الطريقة ديه تخليلك الويندوز يقوم من 6-12 ثانية من اول متدوس زرار الباور

عيبه

انه غالي شوية….فمتجيبوش الا في حالة انك جايب جهاز مواصفاته عالية..اي سيفن..رام 12 جيجا فما فوق….حاجة سريعة يعني فمش عايز الهارد هو اللي يعملك مشكلة
================================================
البروسيسور…لا جديد…لسة عندنا

I5 و ال I7

من انتل…

نصيحة بس متجيبوش
AMD
هي كويسة و كل حاجة…بس لو هتجيبها عشان تشغل عليه سيرفرات سيسكو -زي مثلا الكول مانجر او يونيتي….هتكره نفسك و اللي حواليك و سيسكو…حاجة خنييقة
هات انتل افضل…حاجة كمان تراعيها وانت بتشتري البروسيسور…هتلاقي دايما لنفس الموديل حاجتين…مثلا
I7 3.5GHZ 3750
و
I7 3.5GHZ 3750K
اللي فيه
K
في الاخر ده بيبقي زيادة عن الاولاني بحوالي 150 جنيه…بس بيدعم كسر السرعة …يعني ممكن توصل بيه ل 4 جيجا (فيه ناس وصلت بيه ل 7 جيجاهيرتز!!)-بس متعملش كدة من غير متقرا كويس في كسر السرعات
بس خلي بالك…لو جيبت البروسيسور ده يبقي لازم تشتري بوردة بتدعم هي كمان كسر السرعة…مش اي حاجة يعني…فيه مشكلة برضه كمان خلييي باااااااااااااااااالك منها…البروسيسورات اللي فيها
K
مش بتدعم تكنولوجي اسمها
intel-vt
ديه مهمة جدا و اساسية للفي ام وير…ممن غيرها غالبا مش هيشتغل
يعني من الاخر…جايب الجهاز عشان جيمز…هات اللي فيه

K
جايبه عشان شغل و سيرفرات و
virtualization
هات اللي من غير
K
================================================
وفر فلوس انك تجيب دي في دي او سي دي روم….محدش بيستخدمه دلوقتي…كله بأة يسطب الويندوز من علي الفلاشة…..محدش باة “يحرق” اسطوانة ويندوز دلوقتي
================================================
الماذر بورد دلوقتي بقت تدعم لحد 64 جيجا رام!!…يعني بتبقي
4 Slots
وكل واحدة بتشيل 16 جيجا…طبعا معندناش لسة الرامة الخرافية ديه…اللي عندنا و موجود في مصر هو رامة 8 جيجا لوحدها…يعني ممكن توصل بالجهاز لحد 32 جيجا رام
حاجة مهمة وانت بتشتري رامات…اشتريها زوجي مش فردي…يعني اشتري اتنين او 4..متشتريش واحد او 3..عشان تفعل خاصية اسمها
Dual Channel
من غير رغي كتير فيها…ديه خاصية بتقلل ال
latency
بنسبة 10 في المية …نسبة كبيرة علي فكرة في الرامات متستهونش بيها
اتاكد برضه ان الرامتين من نفس ال
Vendor
كينجستون…كروسير…الخ…مش حاجة ميكس يعني
فيه خاصية كمان في الماذر بورد اسمها
Dual Bios
ديه برضه للناس اللي بتحب تكسر السرعة…ممكن بسبب كسر السرعة تبوظ الماذربورد و ال
Bios
اللي عليها يبوظ…ال
Dual Bios
بيبقي عبارة عن
two IC
كل واحدة عليهم نسخة بيوس …لو واحدة منهم باظت..السيستم بيعمل تحميل للتانية–واخدين اصلا الفكرة ديه من سيرفرات ال
IBM
===============================================
مصادر-لازم لازم-تعتمد عليها و انت بتجمع كيسة ليك
1-عرب هاردوير
لو معاك مبلغ معين وعايز تجيب بيه افضل امكانيات موجودة تناسب التطبيق بتاعك؟…ادخل علي الفورم ده
http://arabhardware.net/forum/forumdisplay.php?f=89
واعمل توبيك و املي النموذج اللي عاملينه
2-
newegg
http://www.newegg.com/
هتلاقي كل حاجة ممكن تتخيلها في الهاردوير و الناس حاطة ال
pros&cons
بتاعها..الماذربورد ديه تقيلة…الهارد ده امكانياته كويسة لو شغلت عليه واحد اتنين تلاتة….خلي بالك البروسيسور ده ممكن يبوظ منك لو عملت كذا…مش اعلانات وخلاص..لا فعلا ناس-كتيرة-مجربة و
Love to Share 🙂

3-
Tom’s hardware
http://www.tomshardware.com/
نفس الكلام اللي فات
4-
دور علي المنتج اللي هتجيبه علي اليوتيوب و شوف ال
unboxing
وتعليقات الناس عليها…بتبقي مفيدة جدا
بس كدة :)…اي حد عنده حاجة زيادة/تعديل يحب يشارك بيها ياريت يقولها

Advertisements

Share you opinion to benefit others :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s