Run Multiple CIPCs on Just One single PC

لقد هرمنا من اجل هذه اللحظة التاريخية…اه وربنا. اخيرا ممكن تشغل اكتر من

Ip communictor

علي نفس الجهاز (عشان تعمل فويس لاب) من غير متحتاج انك تسطب اكتر من فيرتشوال ماشين..اينعم في سوفتوير اللي هو

Ip blue

بيعمل نفس الوظيفة بس المشكلة انه مش فري وبيديك دقيقتين بس غير انه مش سيسكو 🙂

See the following link from cisco support forum

https://supportforums.cisco.com/community/netpro/collaboration-voice-video/blog/2012/11/30/run-multiple-cipcs-on-just-one-single-pc?referring_site=twitter&channel=cisco_support

Advertisements

Be..Efficient!

 

فيه حاجة عايز اتكلم عليها شوية بعيد بأة عن الكورسات و النتورك و الايمبدد والصداع ده
عن طريقة تستخدم بيها الكمبيوتر والنت عموما بطريقة…
Efficient
عشان حتي يسهل شغلك عموما علي اي حاجة تانية

اولا

لو قلتلك ايه رأيك تستخدم بدل الكروم او الفايروكس…ويندوز اكسبلورر 6….هتوافق؟
غير انه اساسا بتاع مايكروسوفت وبالتالي تييت…بس هتقولي..هو مفهوش
Tabs
محتاج افتح عشرة منه عشان اشوف السايتس و اللينكات اللي بزورها…الفيس..طنيطر..مصراوي…يلا كورا…الخ
نفس الكونسبت برضه-ال

tabs

-طبقه علي بقية الابليكشن اللي انت بتستخدمها…الاكسبلورر اللي في الويندوز مثلا بدل متفتح عشر فولدرات و تبقي تايه مابينهم….متخليها ويندو واحدة و تبقي
tabs
برضه
زي كدة

برنامج ظريف-ومبيستهلكش ميموري خالص-و ممكن تقسم ال
tabs
لفولدرات زي الكروم بالظبط
ده فيديو عنه

 

نزلوه من هنا
http://qttabbar.sourceforge.net/

نفس الفكرة بالظبط

معمولة في ال
PDF
سيبك من
Adobe Reader
الفاشل ده
ممكن تفتح اكتر من
PDF
ك
tabs
برضه

http://www.tracker-software.com/product/downloads
===========================

عندك لاب…عندك كمبيوتر في البيت…عندك موبايل سمارت فون…….يبقي عندك مشكلة!
😀
هتلاقي دايما ان الفايل اللي انت عايزه موجود علي الجهاز اللي انت مش شغال عليه حاليا..ديه قاعدة عامة فعلا …فظهرت برامج بتعمل
sync
للفايلات علي الاجهزة المختلفة…بتعملك زي فولدر كدة مثلا علي اللاب و تحط فيه الفايل اللي انت عايزه…وبس…هتلاقيه اتنقل اوتوماتيك لاي كمبيوتر او موبايل انت مسطب عليه نفس الابليكشن زي مثلا “دروب بوكس”…..ابليكشن مشهور جدا علي فكرة برة بس مش عارف ليه في مصر قليل اللي بيستخدمه

 

https://www.dropbox.com/
دروب بوكس مش الوحيد اللي موجود -بس هو كان اولهم عشان كدة واخد شهرة كبيرة-فيه دلوقتي…هو بيديك 3 جيجا للفولدر (اللي بالمناسبة ممكن تدخل عليه من اي كمبيوتر حتي لو متسطب عليه الابليكشن ده و تنزله من البراوزر)
فيه كمان
Skydrive
ده بتاع مايكروسوفت …لو بتستخدم الاوفيس كتير يبقي استخدمه افضل وده بيديك 5 جيجا للفولدر
https://apps.live.com/skydrive
وممكن اساسا تفتح فايلات الاوفيس ديه من غير ميكون عندك اوفيس متسطب علي الجهاز…هو اوبشن قديم في الهوتميل بس دمجوه حاليا مع
skydrive
وفيه
Google Drive
وده نفس الكلام…بس مش عارف صراحة ايه الميزة الزيادة اللي بتقدمها جوجل عن الباقي…هي لسة نازلة من كام شهر فاعتقد لسة في البداية مسخنتش
https://www.google.com/intl/en_US/drive/start/index.html?authuser=0
كلهم بالمناسبة ليهم ابليكشن اندرويد و
iOS
يعني نفس الكلام ده يتطبق علي الموبايل عادي
=========================
ايه تاني ايه تاني
اه

جوجل ريدر

انا عامل فايل كدة فيه حوالي 120 سايت و بلوج عن النتورك (مجنون شوية معلش بالنتورك

:D)

…تخيل انك كل يوم مثلا عمال تلف عليهم و تشوف ايه الجديد…وتفتح
tabs
و سايتس تانية و
external links
مش ممكن طبعا…عمرك مهتخلص …عشان كدة عملوا ال
RSS
او ال
Feed
دايما تلاقوا الايقونة ديه في البلوجات

بتكتب فيها ايميلك وكل شوية لو حصل ابديت للبلوج بيبعلك الجديد علي الايميل
ده حل …كويس الي حد ما…اينعم هيملي عندك الميل ومش هيبقي منظم بس اهو احسن من الاول
او…تستخدم
google reader
http://www.google.com/reader/view/
بعد متعمل
login
بالجيميل…هتلاقي ايقونة
subscribe
علي الشمال..حط فيها لينك السايت اللي عايز تتابعه و خلي جوجل كل شوية يحط الجديد عنده وانت تدخل تشوف بدل متعقد تلف انت علي السايتس اللي بتزورها عالطول
او استخدم ابليكشن
RSS reader
زي ده
http://www.rssowl.org/
ممكن تقسم السايتس ل
categories
General Networking
Routing and Switching
VoIP
الخ…
هو منظم اكتر من جوجل صراحة(ممكن صحيح تحط ايميل الجيميل بتاعك و يعمل هو
import)
للحاجات اللي انت عملتلها
RSS
في جوجل…مش لازم تحطها من الاول خالص
…وفيه
tabs
كمان 🙂
حد عنده يا جماعة برنامج…ابليكشن…سايت…يشاركنا بيه و يكون فعلا فاده في شغله؟

سنة اولي..نتورك

 
التوبيك ده في عرب هاردوير بيتكلم عن
“الطريق لاول وظيفة في النتورك”..ازاي يعني
http://arabhardware.net/forum/showthread.php?t=315122&page=4
هو عبارة عن ان كل واحد بي
share
هو اشتغل ازاي او ازاي عموما يلاقي وظيفة
ملخص سريع كدة للي مش عايز يقرا ال 5 صفحات دول
 
1-
مش عامل سي في كويس ومحترم و ابن ناس كدة يبقي الموضوع صعب فعلا!..مهما تاخد في شهادات و كورسات مش هيبقي ليها لازمة..ديه اول حاجة تبدء بيها انك تعمل سي في
 
2-
ال
interview skills, English
لازم برضه يبقوا عندك مستواهم كويس…فيه علي اليوتيوب فيديوهات كتيرة بتتكلم عن الانترفيو..مش لازم تطبقها بالحرف..بس افهم ايه الهدف منها.
 
3-
النتورك مش معناها سيسكو بس ..متحصرش نفسك في
vendor
واحد
خصوصا ان اسعار اجهزتها مستفزة مقارنة بباقي الشركات ومش كله بيشتريها هنا في مصر…وعموما برضه خلي عندك
“backup route”
زي مايكروسوفت واللينكس(كورس مايكروسوفت لمحمود سرحان – كورس اللينكس لياسر رمزي هيخلوك استاذ فيهم و في فترة قليلة (3شهور مثلا))
 
4-
ناس بتقول انك تنزل تقدم السي في بإيدك احسن في مكان زي سمارت مثلا ؟!..مش عارف صراحة ان كان ده بيجيب نتيجة ولا لاا..حد عنده معرفة بالموضوع ده؟!
 
5-
ادرس الشركة كويس اللي انت عاوز تقدم فيها(مشاريعها اللي فاتت..بارتنر مع مين..شغالة في انهي مجال بالظبط..شغالة في اجهزة ايه)..اعرف هما شغالين في ايه بالظبط و قدم عليه..متخليش عندك سي في واحد لكل الوظايف لكل الشركات…حاول كدة تخلي الاتش ار لما يقرا السي في يفهم انك باعت بالظبط علي الوظيفة اللي اعلن عنها..
 
6-
تفائلوا بالخير تجدوه 🙂

البحث عن وظيفة في مجال النتورك

فيه طريقة برضه عشان و انتوا بتدوروا علي شركات في مصر تكون شغالة في النتورك…او في اي مجال مش لازم  نتورك يعني…هو موقع
linkedIn

ناس كتير في مصر عليه دلوقتي…كام سنة و هتلاقوا ان موضوع انك تبعت ايميل بالسي في بتاعك انتهي خلاص..كله هيشتغل-زي برة- علي انه يشوف بروفايلك في ال
linkedIn…

فظبطوا بروفايل كدة محترم عليه و ابديتت

المهم بس هو حاليا فيه شركات كتيرة مشتركة فيه
افرض مثلا انك معاك شهادة ال
CCNA Voice/Security
وعايز تعرف اللي معاه الشهادة في مصر شغال في شركات ايه

فيه عندك طبعا ال
partner locator
اللي في سيسكو
http://www.cisco.com/web/partners/index.html
بيقولك الشركات ال
partner
لسيسكو في مصر

او تعالي في جوجل و اكتب
linkedin egypt ccna voice

وكل نتايج البحث اللي هتطلع هتبقي بروفايلات ناس واخدين الشهادة ديه..فيه بروفايلات هتبقي صحابها قافلينها (زي اللي بيبقي في الفيس مثلا كدة) بس ممكن تعرف هو حاليا شغال في انهي شركة…فيه بروفايلات بتبقي مفتوحة و بتبين كل شركة هو اشتغل فيها و عمل فيها ايه (فتعرف ايه طبيعة الشغل هناك) و الشهادات اللي خدها و قعد فيها قد ايه (اكيد شركة قعد فيها مثلا شهرين تلاتة مش هتبقي زي واحدة قعد فيها 5 سنين يعني )
عموما هو سايت لذيذ وهيفيد اي حد بيدور علي شغل فعلا…نصيحة ..ابدءوا اعملوا بروفايل او ظبطوه عليه
ده بروفايلي لو حد عايز ي
connect 🙂
http://www.linkedin.com/profile/view?id=133277504&trk=tab_pro

الكابلات البحرية

 

 

image

 

ده لينك بيبين اماكن الكابلات البحرية في العالم والنقط اللي بتدخل منها في كل بلد في

2012

http://www.guardian.co.uk/technology/datablog/interactive/2012/feb/28/undersea-internet-cable-map-interactive

في مصر عندنا 3 كابلات بحرية بيدخلوا من منطقة ابو تلات مابين اسكندرية و مطروح و اربع كابلات تانين بيدخلوا من الاسكندرية ذات نفسها وكلهم بيعدوا علي القاهرة و الدلتا بعد كدة يخرجوا من السويس و الزعفرانه
دوسوا علي كل نقطة بيضاء علي الخريطة و علي اليمين كدة هتلاقوا اسامي الكابلات البحرية ديه..لو دوست عليها برضه هيرسملك علي الخريطة الكابل ذات نفسه بيعدي علي انهي دول و تاريخ الكابل والشركة المالكة و كدة

ديه خريطة برضه بس بتاعة 2011
http://www.telegeography.com/assets/website/images/maps/submarine-cable-map-2011/submarine-cable-map-2011-x.jpg
بتبين كل كابل ال
latency
اللي فيه قد ايه
وايه اكتر مناطق اللي بتستهلك الباندويدث بتاع الكابلات

 

signature